Është një procedurë shumë e parapëlqyer nga ana estetike sidomos në dekadën e fundit. Ketë trajtim e preferojnë pacientët që kanë deshirë për të patur dhëmbë sa më të bardhë edhe pa patur dekolorime të theksuara apo pacientë që kanë ndryshime të moderuara në ngjyrën e dhëmbeve. Pacientët e grupit të dytë janë ata që kanë një problem të vërtetë estetik prej dhëmbeve që kanë ndryshuar ngjyrë. Ndryshimi i ngjyrës vjen si rezultat i gjenetikës, moshës së avancuar, cilësisë së smaltit (karakteristike individuale), përdorimit të medikamentve specifike ku mund të përmendim antibiotikët, apo pije me ngjyrë që ndikojnë në tjetërsimin e bardhësisë së dhembëve.