Një trajtim kirurgjikal është një nevojë në shumë raste. Procedura kirurgjikale më elementare është heqja e një dhembi (ekstraksion). Kjo ndërhyrje është zgjedhja e fundit në listën e trajtimeve dentare, pasi mjeku ka vlerësuar çdo mundësi tjetër trajtimi, por ato nuk kanë pasur rezultat apo indikacione pozitive. Nevojitet ekstraksioni i një apo disa dhëmbëve në rastin kur dhëmbi është i thyer si rezultat i një traume që ka dëmtuar kurorën apo rrënjën e tij, kur infeksioni apikal është i patrajtueshëm, për arsye ortodontike, patologji paradontale, kur dhëmbi apo dhëmbët janë të mbetur në nofull, dhëmbë supranumeratum të eruptuar apo të paerruptuar, dhëmbë të keqpozicionuar, dhëmballet e pjekurisë, dhëmbët e qumështit të ankilozuar që pengojnë daljen normale të dhëmbëve të përhershëm tek fëmijët, rrënjë dhëmbësh të mbetura në arkadën dentare, etj.